کیچھہ میں افیون کی کاشت ہورہی تھی، پولیس نے ملزم کو گرفتار کرلیا 

رودرپور۔ پولیس نے کیچھہ میں افیون کی کاشت بے نقاب کرتے ہوئے ملزم کو گرفتار کرلیا۔ پولیس نے کھیت سے 12 کلو افیون کے پودے اور دو کلو تازہ پوست برآمد کرلی۔ پولیس نے برآمد شدہ سامان کی قیمت 10 لاکھ روپے بتائی ہے۔ اتوار کو پولیس افسر اوم پرکاش شرما نے واقعہ کا انکشاف کرتے ہوئے کہا کہ پولیس کو اطلاع ملی کہ ہلدوانی بائی پاس کالی مندر تیراہا گوسوامی ڈھابہ کے پیچھے ایک شخص افیون کی کاشت کر رہا ہے۔ اس پر پولیس ٹیم نے موقع پر چھاپہ مارا۔ افیون کی کاشت کی تصدیق پر تحصیلدار مجسٹریٹ بھون چند بھنڈاری بھی پہنچ گئے۔ پولیس نے موقع پر ملزم کو حراست میں لے لیا۔ ملزم نے اپنا نام اسرارالحق ولد نورالحق سکنہ وارڈ 4کچھہ بتایا۔ پولیس نے ملزم سے افیون کی کاشت کے لیے ضروری لائسنس کا مطالبہ کیا تاہم ملزم لائسنس دکھانے سے قاصر رہا۔ پولیس نے موقع سے بارہ کلو افیون کے سبز پودے اور دو کلو تازہ پوست پوست برآمد کر لی۔ کوتوال اشوک کمار سنگھ نے برآمد شدہ سامان کی بین الاقوامی مارکیٹ میں قیمت دس لاکھ روپے بتائی ہے۔ پولیس نے ملزم کے خلاف مقدمہ درج کر لیا ہے۔ پولیس نے ملزمان کے خلاف این ڈی پی ایس کی دفعات کے تحت مقدمہ درج کر لیا ہے۔